سۆرانی  |  بادینی  |  English      

ده‌رباره‌ی وه‌رزێ دویێ خاندنا قوتابخانه‌یان زه‌لالكرن هاته‌دان

  2021-04-05  | 
 سەفوان سورچی
وه‌زاره‌تا په‌روه‌ردێ ره‌تكر، كو ب یه‌ك وه‌رزی داویێ ب خاندنا ئه‌ڤساله‌ یا 2021ێ بئینیت دیاركر ژی. وه‌رزێ دویێ یێ خاندنێ دكه‌ڤیته‌ مه‌ها ئه‌یلولا داهاتی.

سه‌یوان عه‌لی بریكارێ وه‌زاره‌تا په‌روه‌ردێ بۆ ڕوپه‌لا فه‌رمیا پارتی ڕاگه‌هاند، بڕیارێن وه‌زاره‌تێ ده‌رباره‌ی ڕاگرتنا ده‌واما قوتابخانه‌یان بڕیارا لژنا بلندا به‌رهه‌نگاربووونا كۆرۆنایێ یه‌، رۆژا 10ێ ڤێ مه‌هێ ژی دێ بڕیارا نوی لسه‌ر هێته‌ دان، ژبه‌ر كو ئه‌و نزانن ڕه‌وشا كۆرۆنایێ دێ به‌ره‌ڤ چ ئاراسته چیت، دیار كر ژی، دێ ڕێنمایێن خۆپارێزیێ ژ كۆرۆنایێ لبه‌رچاڤ وه‌رگرین.

بریكارێ وه‌زاره‌تا په‌روه‌ردێ به‌حسا وێیه‌كێ ژی كر، وه‌رزێ یه‌كه‌مێ خاندنێ دێ ل ده‌مێ خۆ دا هێته‌ ته‌مامكرن و بۆ وه‌رزێ دوویێ ژی به‌ریا نها وه‌زاره‌تێ بڕیار لسه‌ر دایه‌ كو دێ ل مه‌ها ئه‌یلولا داهاتی ده‌ست ب وه‌رزێ  دوویێ یێ خاندنێ هێته‌كرن.