سۆرانی  |  بادینی  |  English      

بهایێ نەفتێ ب ئاوایەکێ بەرچاڤ داکەت

  2021-04-05  | 
 تۆڕا نووچەیا ژیان
ئەڤ شەڤە بهایێ نەفتێ ب ئاوایەکێ بەرچاڤ داکەت و ب رەنگەکی بهایێ بەرمیلەک نه‌فتا خاڤا برێنت د بازاڕێن جیهانێ دا ب 61 دۆلار و 56 سەنتایە، هەڤبەرکرن بدوهی شەمبیێ، بهایێ نه‌فتێ تا چەند سەنتان داکەتیە .

هەڤدەم، بهایێ بەرمیلەک نه‌فتا خاڤا ئەمریکی ژی د بازارێن جیهانێ دا ب 57 دۆلار و 91 سەنتان سەرەدەری دگەل دهێتەکرن. بڤێ ژی بەروڤاژی دوهی بهایێ نه‌فتێ ب بنه‌جهی مایە .

ئەڤە ژی ددەمەکیدایە، ل دەما دەربازبوویدا، بهایێ پەترۆلێ بۆ سەری 70دۆلارا بلندبوویە، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترومبێلان، بهایێ نه‌فتێ بۆ نزمترین ئاست د دیروکێ دا داکەت .

ل ئادار و نیسانا سالا دەربازبوویدا، بهایێ نه‌فتا خاڤا برێنت بۆ خار 25 دۆلار و نه‌فتا خاڤا ئەمریکی ژی بۆ ئێکەمجار د دیروکی دا بۆ 37 دۆلارا ل ژێر سفرێ داکەت.