سۆرانی  |  بادینی  |  English      

یانەیا وەرزشیا زاخۆ سکاڵا دژی دادڤانێن خولا پلا نایابا عێراقێ تورمارکر

  2021-03-06  | 
 تۆڕا نووچەیا ژیان
پشتی دوهی ئێڤاری یانەیا وەرزشیا زاخۆ د خولا پلانایابا عێراقێدا بویە مێهڤانا یانەیا شورتە ل بەغدا و دادڤانێن یاریێ گولەکا ئوفساید هەژمارکری ، سەرۆکاتیا یانا زاخۆ سکالا دژی دادڤانان تومارکر .

 

هشیار دوبانکی بەرپرسێ ڕاگەهاندنا یانەیا زاخۆ ب توڕا نوچەییا ژیان ڕاگەهاند، " دادڤانێن خولا پلا نایابا عێراقێ بۆ چەندین جارایە دادیێ بەرامبەر یانەیا زاخۆ ناکەن و غەدرەکا مەزن ل یانەیێ دھێت کرن ".

بەردەفکێ ڕاگەهاندنێ گوتژی، " مە وەک سەرۆکاتیا یانێ سکالا دژی دادڤانان تومارکر، ژبەرکو دوهی دیاریا بەرامبەر یانەیا شورتە دا غەدر ل زاخۆ هاتە کرن  و گولەکا ئوفساید بو شورتە هەژمارکر."

هشیار دوبانکی زەلالکر ژى، " لهەمبەری وێ غەدرەیا ل زاخۆ دهێتەکرن بێدەنگ نابین و پێتڤیە ئێکەتیا تەپاپێ بهێتە سەر خەت ".

یانەیا وەرزشیا زاخۆ ب نوینەراتیا پارێزگەها دهوکێ بەشدارە دخولا نایابا عێراقێ دا،  ب کۆمکرنا ٣١ خالا د ڕێزبەندیا حەفتێ  دایە ."

مێهڤان مجید : زاخۆ