سۆرانی  |  بادینی  |  English      

بهایێ نەفتێ داکەفت

  2021-04-08  | 
 تۆڕا نووچەیا ژیان
ب هەڤبەرکرن دگەل دوهی، ئەڤرۆ بهایێ نەفتێ د بازاڕێن جیهانێ دا داکەفتن ب خۆ ڤە دیت.

لگۆری داتایێن بۆرسەیێن جیهانی، ئەڤرۆ پێنجشەمبیێ هەر بەرمیلەکا نه‌فتا خاڤا برێنت د بازاڕێن جیهانێ دا ب 62 دۆلار و 88 سەنتایە .

هەڤدەم، بهایێ بەرمیلەک نه‌فتا خاڤا ئەمریکی ژی د بازارێن جیهانێ دا ب 59 دۆلار و 48 سەنتان بازاڕ دگەل دهێتەکرن .

ئەڤە ژی ددەمەکیدایە، ل دەما دەربازبوویدا، بهایێ پەترۆلێ بۆ سەری 70دۆلارا بلندبوویە، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترومبێلان، بهایێ نه‌فتێ بۆ نزمترین ئاست د دیروکێ دا داکەت .

ل ئادار و نیسانا سالا دەربازبوویدا، بهایێ نه‌فتا خاڤا برێنت بۆ خار 25 دۆلار و نه‌فتا خاڤا ئەمریکی ژی بۆ ئێکەمجار د دیروکی دا بۆ 37 دۆلارا ل ژێر سفرێ داکەت .