سۆرانی  |  بادینی  |  English      

یانەیا زاخۆ ژ دەرڤەی یاریگەها خۆ سەرکەفتن تومارکر

  2021-04-09  | 
 مێهڤان مەجید
ژ یاریێن خولا پلا نایابا عێراقێ ل باژێرێ بەغدا یانەیا زاخۆ بو مێهڤانا یانەیا کەهرەبا، زاخۆ سەرکەفتن تومارکر .

هشیار دوبانکی بەردەفکێ راگەهاندنا یانەیا زاخۆ بۆ تۆرا نووچەییا ژیان راگەهاند، " ژ یاریێن تەپاپێ یا گەرا ٢٧ یا خولا پلا نایابا عێراقێ یانەیا زاخۆ ژ دەرڤەی ئەردێ خۆ بو مێهڤانا یانەیا کەهرەبا، زاخۆ ب کومڤەکرنا سێ خالان ڤەگەریا باژێرێ خۆ".

هشیار گوت ، "هەردوو گۆلێن زاخۆ ژ لایێ یاریزان محەمەد جەواد هاتنە تومارکرن، یانەیا کەهرەبا شیا گولەکێ توماربکەت ، لێ نەشیا گولا وەکهەڤیێ بدەستڤەبینت ، و هەڤدەمە یاری د بەرژەوەندیا زاخۆدا ب داوی هات ".

یانەیا زاخۆ ل خولا پلا نایابا عێراقێ ب نوینەراتیا پارێزگەها دهۆکێ پشکدارە ، و ب کومڤەکرنا ٤٠ خالان ل رێزبەندیا شەشەما خولێدایە .