سۆرانی  |  بادینی  |  English      

زاخۆ.. ژبەر نەبوونا هێرشەبرێن خودان شیان یانەیا زاخۆ راستی شکەستنێ بۆ

  2021-04-10  | 
 تۆڕا نووچەیا ژیان
ژ ئێکەم یاریا چوار گوشا زێرین یا خولا پلا نایابا کوردستانێ یانەیا زاخۆ دگەل یانەیا برایەتی راستی شکەستنێ بۆ.

پشتی یانەیا زاخۆ ب سەرکێشیا کوما خۆ گەهشتیە قوناغا چوار گوشا زێرین یا خولا پلا نایابا کوردستانێ،  ئەڤڕۆ لسەر ئەردێ خۆ مێهڤانداریا یانەیا برایەتی کر و ب گولەکێ بێ بەرامبەر راستی شکەستنێ بۆ.

ل نیڤا ئێکێ ژ یاریێ یانەیا زاخۆ ئاستەکێ باش پێشکێشکر و ل خولەکا یازدێ یانەیا برایەتی ب رێکا یاریزانێ خۆ سەفین مەنسور  گولا پێشکەفتنێ توماربکت و یاری ب وی يئەنجامی ب داوی هات .

سەگڤان سەدیق یاریزانێ هێرشبەر یێ یانەیا زاخۆ ب توڕا نووچەییا ژیان راگەهاند، ل سەر ئەردێ خۆ بەرامبەر یانەیا برایەتی ژ یاریێن چوار گوشا زێرین راستی شکەستنێ بووین، ئەگەرێ سەرەکی نەبوونا هێرشەبرێن خودان شیانە .

هێرشەبرێ زاخۆ خویاکر، ئەگەرەکێ دی یێ شکەستنا مە ژبوو هندێ ڤەدگەریت کو یاریزانێ مە ئەسعەد کازم ل خولەکا ٥٠ ژ نیڤا دووێ ب رێکا لێدانا سزای ( پەنەلتی ) نەشیا گولا وەکهەڤیێ توماربکت.

ئەڤە دەمەکیدایە د خولا پلا نایابا کوردستانێ دا شەش یانە گەهشتینە قوناغا چوار گوشا زێرین و هەر یانەیەک دێ 10 یاریان ئەنجام دەت، ل داویێ خودان زورترین خالا دێ بیتە هەلگرا ناسناڤێ خولێ .