سۆرانی  |  بادینی  |  English      

تورکیا: مە ٥٩ ئەندامێن پەکەکێ دەستەسەرکرن

  2021-03-07  | 
 تۆڕا نووچەیا ژیان
وەزارەتا ناڤخۆیا تورکیا ئاشکراکر، د چەند ئۆپەراسیۆنێن جودا دا، ٥٩ کەس ب تۆهمەتا ئەندامبوون د پەکەکێ دا ل ناڤخۆیا وی ولاتی دەستەسەرکرنە.

ئیسماعیل تشاتاکلی پەیڤدارێ وەزارەتا ناڤخۆیا تورکیا د کۆنگرەیەکێ ڕۆژنامەڤانی دا ڕاگەهاند، هێزێن ئەولەهیێن ولاتێ وان د مەها شوباتا دەربازبوویی دا، ٧ هزار و ٣٢ ئۆپەراسیۆن ل دەڤەرێن گوندنشین و ١٥٨٣ ئۆپەراسیۆنێن دی ژی ل باژێڕان، ل دژی وان ڕێکخراوان ئەنجامدانە کو وی ب تیرۆرست بناڤکرنە.

زەلالکر ژی، د وان ئۆپەراسیۆنان دا ٧٨ کەس دەستەسەرکرنە، ٥٩ کەس ژ وان ئەندامێن پارتا کارکەرێن کوردستان (پەکەکێ) بوونە و ١٨ کەس ژی ژ ڕێکخراوا داعش و کەسەک ژی سەر ب گروپێن چەپ بوویە.

پەیڤدارێ وەزارەتا ناڤخۆیا تورکیا دازانین ژی، ژ کۆما ٣ هزار و ١٤٩ کەسێن دەستبسەرکری، سزایێ زیندانکرنێ بۆ ٤٩٠ کەسان دەرچوو ب تۆهمەتا ئەندامبوون د ڕێکخراوێن "تیرۆرستی" دا یان هەڤکاریکرنا وان، هەروەسا ١٨٠ جهێن ڤەشارتی هاتنە تێکبرن و دەست بسەر ٨٨ پارچەیێن چەکی و کۆمەکا جەبخانەیان دا گرتنە.