سۆرانی  |  بادینی  |  English      

بهایێ ئەڤرۆیێ نەفتێ د بازارێن جیهانێ دا

  2021-04-12  | 
 تۆڕا نووچەیا ژیان
ب هەڤبەرکرن دگەل دوهی، ئەڤرۆ بهایێ نەفتێ د بازارێن جیهانێ دا جێگیرە و چ گوهۆرینەکا وەسا بخوڤە نەدیتیە.

لگۆری داتایێن بۆرسەیێن جیهانی، ئەڤرۆ دووشەمبێ 12ى 4ى2021، هەر بەڕمیلەکا نه‌فتا خاڤا برێنت د بازارێن جیهانێ دا ب 62 دۆلار و 99 سەنتا بازاڕ پێدهێتەکرن. 

هەڤدەم، بهایێ بەڕمیلەکا نه‌فتا خاڤا ئەمریکی ژی د بازارێن جیهانێ دا ب 59 دۆلار و 33 سەنتان بازاڕ پی دهێتەکرن  .

 ئەڤە ژی د دەمەکیدایە، ل دەما دەربازبوویدا، بهایێ پەترۆلێ بۆ سەری 70دۆلارا بلندبوویە، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترومبێلان، بهایێ نه‌فتێ بۆ نزمترین ئاست د دیروکێ دا داکەت  .

بلندبوونا بهایێ نەفتێ دێ کرتێکرنەکا مەزن لسەر ئابورێ عیراق و هەرێما کوردستانێ هەبیت چونکە پرانیا داهاتان پشت بەستنێ ب فڕۆشتنا نەفتێ ددەت.

 ل ئادار و نیسانا سالا دەربازبوویدا، بهایێ نه‌فتا خاڤا برێنت بۆ خار 25 دۆلار و نه‌فتا خاڤا ئەمریکی ژی بۆ ئێکەمجار د دیروکی دا بۆ 37 دۆلارا ل ژێر سفرێ داکەت  .