سۆرانی  |  بادینی  |  English      

بهایێ نەفتێ ب ڕەنگەکێ بەرچاڤ بلندبوو

  2021-04-15  | 
 تۆڕا نووچەیا ژیان
ژئەگەرا زێدەبوونا خواستێ لسەر گرێبەستێن پاشخستی, و هەڤبەرکرن دگەل رۆژێن دەربازبوویی، ئەڤرۆ بهایێ نەفتێ د بازارێن جیهانێ دا ب ڕەنگەکێ بەرچاڤ بلندبوو.

لگۆری داتایێن بۆرسەیێن جیهانی، ئەڤرۆ پێنجشەمبی، 15ی 4ی 2021ێ، هەر بەرمیلەکا نه‌فتا خاڤا برێنت د بازارێن جیهانێ دا ب 66 دۆلار و 53 سەنتان بازاڕ پێ دهێتەکرن .

هەڤدەم، بهایێ بەڕمیلەکا نه‌فتا خاڤا ئەمریکی ژی د بازارێن جیهانێ دا ب 63 دۆلار و 5 سەنتان بازاڕ پێ دهێتەکرن     .

ئەڤە ژی د دەمەکیدایە، ل دەمێن دەربازبووی، بهایێ نەفتێ بۆ سەری 70 دۆلاران بلندبوو، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترۆمبێلان، بهایێ نه‌فتێ بۆ نزمترین ئاست د دیرۆکێ دا داکەت .

بلندبوونا بهایێ نەفتێ دێ کارتێکرنەکا مەزن لسەر ئابورێ عیراق و هەرێما کوردستانێ هەبیت ژبەرکو پرانیا داهاتان پشت بەستنێ ب فرۆتنا نەفتێ ددەت .