سۆرانی  |  بادینی  |  English      

هێزێن رزگارکرنا عەفرینێ: مە هەشت چەکدارێن گرۆپێن سەر ب تورکیا کوشتن

  2021-04-17  | 
 تۆڕا نووچەیا ژیان
هێزێن رزگارکرنا عەفرین ڕاگەهاند، هەژمارەک چالاکی ل دژی ئارتێشا تورکیا و گرۆپێن چەکدارێن گرێدایی وی ولاتی ئەندامدانە و تێدا هەشت چەکدار هاتنە کوشتن و 19یێن دی ژی برینداربوونە، دیارکریە کو شەرڤانەکێ وان ژی شەهیدبوویە.

هێزێن رزگارکرنا عەفرینێ د ڕاگەهاندنەکێ دا بەلاڤکر، ل ڕۆژا 8ی ڤێ مەهێ ل گوندێ حەلوبیەیا دەڤەرا شەرا ل دژی هێزێن تورکیا و گروپێن گرێدای وێ چالاکیەک ئەنجامدایە، د وێ چالاکیێ دا سێ چەکدار کوشتنە و دوویێن دی ژی برینداربوونە .

هەر د وێ ڕاگەهاندنێ هێزێن رزگارکرنا عەفرینێ ئاشکراکریە، ل 11ێ و 12ێ ڤێ مەهێ ژی ل باژارێ عەفرینێ لسەر رێکا تەرندێ د دوو چالاکیان دا چار کەس ژ وان هێزان کوشتنە و 17 کەسێن دی ژی برینداربوونە. هەڤدەم دبێژیت ژی، ترۆمبێلێن وان ژی تێک شکاندنە .

هەروەسا ئاماژە ب وێیەکێ کریە، ل رۆژا 16ی ڤێ مەهێ ل دەشتێن دەڤەرا شەرا شەرەکێ دی دناڤبەرا یەکینەیێن وان و سوپایێ تورکیا دا دروستبوویە، و تێدا شەرڤانەکێ وان بناڤێ "ئالان بێنێ" شەهیدبوویە .

رۆژا ١٨ێ ئادارا ٢٠١٨ێ دەولەتا تورکیا و گرۆپێن چەکدارێن گرێدایی وێ یێن بناڤێ ئۆپۆزسیۆنا سوریا دەست ب سەر باژارێ عەفرینا رۆژئاڤایێ کوردستانێ دا گرتن. ژ وی دەمی ڤە هەیا نها هێزەک ژ شەرڤان و خەلکێ عەفرینێ دبن ناڤێ هێزێن رزگاریا عەفرینێ هاتیە پێکئینان، ناڤ بناڤ چالاکیان ل دژی هێزێن چەکدارێن ناڤ وی باژاری پێکدئینن.