سۆرانی  |  بادینی  |  English      

پشیکەک ب مادەیێن بێ هوشکەرڤە هاتە گرتن

  2021-04-17  | 
 تۆڕا نووچەیا ژیان
دەستهەلادارێن پەناما ئاشکەراکر، پشیکەک ل نێزیک زیندانا وى وەلاتى گرتیە کو هاتیە بکارئینان بۆ ڤەگوهاستنا مادەیێن بێ هۆشکەر بۆ ناڤ زیندانێ.

ئەو پشیکە ژلایێ میدیایێن ناڤخۆیێن وەلاتێ پەنەما ب (پشیکا بازرگانیا مادەیێن بێ هۆشکەر) ناڤبریە، ل دەمەکیدا بەرەڤ زیندانا (نوڤا ئیسبیرانزا) دچوو، کو زێدەتر ژ 1700 زیندانى تێدانە و 80ێ کیلۆمەتران دوورە ژ پایتەختێ وى وەلاتى.

 ئەندرێس ڕۆدڕیگس ڕاگەهاند، ل دەمێ گرتنا وێ پشیکێ پارچەیەکا پەرۆکى ب ملێ وێڤە هاتبوو گرێدان، چەند لولەیەکێن پلاستیکى و بڕەکێ مادەیێن بێ هوشکەرێن کۆکاین و ماریگوانا تێدا هاتبوونە ڤەشارتن.

ڕۆدڕیگز ئاماژە ب وێ چەندێ ژى کریە، زیندانى زور جاران ئاژەلێن کو د مالان دا دهێنە بخودانکرن بخۆڤە دگرن ب مەبەستا بکارئینانێ بۆ ڤەگوهاستنا مادێن، بێ هوشکەر د زیندانان دا.

بەریا نها ژى کۆتر هاتبوو بکارئینان بۆ ڤەگوهاستنا مادەیێن بێ هۆشکەر، لێ ئەڤە ئێکەم جارە پشیکەک دهێتە بکارئینان بۆ ڤەگوهاستنا مادێن بێ هوشکەر بۆ ناڤ زیندانان.

وەلاتێ پەنەما ب ڕێکا ڤەگوهاستنا مادەیێن بێ هۆشکەر دهێتە دانان ل ئەمریکا باشور بۆ ویلایەتێن ئێکگرتیێن ئەمریکا، کو بتنێ ل سالا 2020ێ دەستهەلاداران بڕێ 84 تەن مادێن بێ هوشکەر یێن جودا جودا دەستبسەر دا گرتن ب تایبەت ژى کۆکاین، دەمەکیدا ل سالا 2019ێ دا بڕێ ماددەیێن بێ هۆشکەر گەهشت بوونە 90 تەنان.