سۆرانی  |  بادینی  |  English      

ساخله‌میا هه‌رێمێ پشتڕاستیێ ده‌رباره‌ی ڤاكسینێ دده‌ت

  2021-04-18  | 
 تۆڕا نووچەیا ژیان
ساخله‌میا هه‌رێمێ ده‌رباره‌ی دابینكرنا هه‌می جۆرێن ڤاكسینێ پشتڕاستیێ ب وه‌لاتیان دده‌ت، بریكارێ وه‌زاره‌تا ساخله‌میێ ژی دبێژیت، حكومه‌تا عێراقێ سۆز دایه‌ حه‌فتیانه‌ پشكا هه‌رێمێ دابین بكه‌ت.

دكتۆر ره‌هێل فه‌ره‌یدون، بریكارێ وه‌زاره‌تا ساخله‌میا هه‌رێمێ ب په‌یجێ فه‌رمیێ وه‌زاره‌تا خۆ ڕاگه‌هاندیه‌، مزگینیێ ب وه‌لاتیێن هه‌رێمێ دده‌ین كو دێ هاتنا ڤاكسینێ ب هه‌می ئاوایه‌كێ دێ یا به‌رده‌وام بیت، ب تایبه‌تی ژ جۆرێ ڤایزه‌ر كو حكومه‌تا عێراقێ سۆز دایه‌ حه‌فتیانه‌ پشكا هه‌رێمێ ژ ڤاكسینا دژی كۆرۆنایێ دابین بكه‌ت.

به‌حسا وێیه‌كێ ژی دكه‌ت، وه‌لاتیان پشتڕاست دكه‌ین كو پێدڤێ ب دوودلیێ ناكه‌ت و به‌رده‌وامبن ژ  تۆماركرنا ناڤێن خۆ بۆ وه‌رگرتنا ڤاكسینێ.

ئه‌ڤه‌ د ده‌مه‌كێ دایه‌، ڕێژا توشبوون ب ڤایرۆسێ كۆرۆنایێ د بلندبوونێ دایه‌ و د ده‌مێ 24 ده‌مژمێرێن ده‌ربازبووی دا ل هه‌رێمێ هزار و 74 توشبوویێن نوی هاتنه‌ تۆماركرن و 7 كه‌سێن دی ژی ب كۆرۆنایێ ژیانا خۆ ژ ده‌ستدانه‌.