سۆرانی  |  بادینی  |  English      

پێدڤیە هەمی بزاڤان بکەین بۆ نەهێلانا رێگران د ناڤبەرا حکومەتێ و وەلاتیان دا

  2021-04-19  | 
 تۆڕا نووچەیا ژیان
د جڤینا خۆیا دگەل ڕێڤەبەرێن گشتی دا پارێزگارێ دهۆکێ ڕاگەهاند، پێدڤیە هەمی بزاڤان بکەن بۆ نەهێلانا رێگران د ناڤبەرا حکومەتێ و وەلاتیان دا و بەرهەنگاربوونا گەندەلی و زێدەگاڤیان.

ڕووپەلا پارێزگەها دهۆکێ بەلاڤکر، ئەڤرۆ دووشەمبیێ پارێزگارێ دهۆکێ عەلی تەتەر دگەل ڕێڤەبەرێن گشتیێن وێ پارێزگەهێ جڤیا و تێدا گۆتۆبێژ و نرخاندن بۆ رەوشا ساخلەمیێ و رێنمایێن خۆپارێزیێ ژ ڤایرۆسێ کۆرۆنایێ هاتنەکرن. هەروەسا، چەوانیا رێکخستنا داهاتێ حکومەتێ و خەرجکرنێ و زێدەکرنا داهاتی هاتە بەحسکرن.

دیارکریە ژی، هەر د جڤینێ دا پارێزگارێ دهۆکێ راگەهاند، پێدڤیە هەمی بزاڤان بکەن بۆ نەهێلانا ئاستەنگ و رێگریان د ناڤبەرا حکومەت و وەلاتیان دا و بەرهەنگاربوونا هەمی جۆرە گەندەلی و زێدەگاڤیەکێ ل دویڤ یاسا و کارناما حکومەتا هەرێما کوردستانێ و ئەنجامدانا چاکسازیەکا هەمەلایەن.

بەحسا وێ یەکێ ژی کریە، کو د جڤینێ دا داخاز هاتیەکرن پێگیریەکا تەمام ب رێنما و راسپاردەیێن حکومەتا هەرێما کوردستانێ د هەمی دامودەزگەهـ و فەرمانگەهـ و رێڤەبەریان دا بهێتەکرن .