سۆرانی  |  بادینی  |  English      

قائیمقامێ دهۆکێ: د 15 ڕۆژێن دەستپێکا ڤێ مەهێ دا نێزیکی 80 جهان هاتنە داخستن

  2021-04-19  | 
 تۆڕا نووچەیا ژیان
قائیمقامێ قەزا ناڤەندیا دهۆکێ ڕاگەهاند، وان لیژنەیێن خۆیێن دیڤداچوونا بازاڕی زێدەکرنە و د ١٥ ڕۆژێن دەستپێکا ڤێ مەهێ دا نێزیکی ٨٠ جهێن جودا ل بازاڕێن دهۆکێ هاتنە داخستن.

جەهەوەر عەلی قائیمقامێ قەزا ناڤەندیا دهۆکێ بۆ تۆڕا نووچەییا ژیان ڕاگەهاند، ئاستێ پێگریێ ب رێنمایێن خۆپاراستنێ ژ ڤایرۆسێ کۆرۆنایێ گەلەک باش بوویە و نها زێدەتری ٩٠%ێ یا وەلاتیان پێگیرن و دەرخستنا بەردەواما ڤان رێنمایان بۆ بەرژەوەندیا خەلکی یە .

دیارکر ژی، ل 15 ڕۆژێن دەستپێکا ڤێ مەهێ (نیسانێ) نێزیکی ٨٠ جهان هاتنە داخستن و نێزیکی ١٠ جهان و چەندین کەسێن کو ماسک لبەرنەبوویە یان شۆفێرێن ترۆمبێلان کو پێگیرنەبوونە هاتنە سزادان .

ئەو یەک ژی دازانین، کو چاڤدێریەکا هوویر لسەر باژاری دهێتەکرن و بۆ مەها رەمەزانێ ژی وان لیژنەیێن خۆ زێدەکرنە بۆ دیڤداچوونا بهایێن کەلوپەلان و داخازێ ژی ژ وەلاتیان دکەم کو هەردەما نەپێگیریا جهەکێ ب بها و کوالێتیا کەلوپەلان ببینن وان هایدار بکەن.