سۆرانی  |  بادینی  |  English      

9 توشبوویێن دیێن كۆرۆنایێ ل دهۆكێ ژیانا خۆ ژ ده‌ستدان

  2021-04-19  | 
 تۆڕا نووچەیا ژیان
د 24 دەمژمێرێن ده‌ربازبووی دا 606 کەسێن دی ل سنورێ پارێزگەها دهۆکێ تووشی کۆرۆنایێ بووینە و 9 تووشبوويان ژى ژیانا خۆ ژ دەستدایە.

وەزارەتا ساخلەمیا هەرێما کوردستانێ ئامارا 24 دەمژمێرێن ده‌ربازبووی یا  توشبوویێن ڤایرۆسێ کۆرۆنایێ بەلاڤکر و تێدا ل گۆرەی ئامارێن وەزارەتا حكومه‌تا هه‌رێمێ، 606 کەس ل پارێزگه‌ها دهۆکێ تووشی کۆرۆنایێ بووینە و 9 تووشبوويان ژى ژیانا خۆ ژ دەستدایە.

وەزارەتا ساخلەمیێ به‌حسا وێیه‌كێ ژی كریه‌، د 24 دەمژمێرێن ده‌ربازبووی دا 354  حاله‌تێن تووشبوونێ ل پارێزگه‌ها دهۆکێ ب ته‌مامی چارەسەر بووینه‌.

لگۆره‌ی ئامارێن وەزارەتا ساخلەمیا هەرێمێ ژ ده‌ستپێكا هاتنا كۆرۆنایێ هه‌یا نها، ل سنورێ پارێزگەها دهۆکێ 48 هزار و 977 کەس تووشى کۆرۆنایێ بووینە، 867 کەسان ژى ژیانا خۆ ژ دەستدایە و 42 هزار و 185 کەس ژى ب تەمامى چارەسەر بووینە.