سۆرانی  |  بادینی  |  English      

بهایێ نەفتێ د بازارێن جیهانێ دا

  2021-04-20  | 
 تۆڕا نووچەیا ژیان
بهەڤبەرکرن دگەل دوهی دوشەمبێ ئەڤڕۆ بهایێ نەفتێ تا ڕادەیەکى بلند بوون بخۆڤە دیتیە.

لگۆری داتایێن بۆرسەیێن جیهانی ئەڤڕۆ سێ شەمبێ 20ى4ى 2021،  بهایێ هەر بەرمیلەکا نەفتا برنت د بازارێن جیهانێ دا ب 67 دۆلار و 77  سەنتان بازار پێ دهێتەکرن .

هەڤدەم، بهایێ بەڕمیلەکا نه‌فتا خاڤا ئەمریکی ژی د بازارێن جیهانێ دا ب64 دۆلار و 10 سەنتان بازاڕ پێ دهێتەکرن.      

 ئەڤە ژى دەمەکیدایە، دوهى دووشەمبێ 19ى4ى2021، هەر بەرمیلەکا نەفتا خاڤ یا برنت ب 66 دۆلار و 77 سەنتان بازار پێ دهاتەکرن و بهایێ هەر بەرمیلەکا نەفتا خاڤا ئەمریکى ژى ب نێزیکى 63 دۆلار و 30 سەنتان بوو.

 چەند رۆژان ل بەریانها، بهایێ نەفتێ د بازارێن جیهانێ دا ب ڕەنگەکێ بەرچاڤ داکەفت، ب ئاوایەکى بهایێ هەر بەرمیلەکێ نەفتا خاڤ یا برنت داکەفت بۆ 61 دۆلار و 56سەنتان.

ئەگەر چێ ل مەها دەربازبوویدا بهایێ نەفتێ د بازارێن جیهانێ دا، گەهشتە 70ێ دۆلاران، لێ پاشان بەرەڤاژى دەست ب داکەفتنێ کر.

بلندبوونا بهایێ نەفتێ دێ کارتێکرنەکا مەزن لسەر ئابورێ عیراق و هەرێما کوردستانێ هەبیت ژبەرکو پرانیا داهاتان پشت بەستنێ ب فرۆتنا نەفتێ ددەت