سۆرانی  |  بادینی  |  English      

وەلاتیێن زاخۆ لسەر ڕاکرنا پەیکەرێن ئەیاز و ئەردەوانى نەرازینە

  2021-03-07  | 
 تۆڕا نووچەیا ژیان
هەردوو هونەرمەندێن قەزایا زاخۆ ئەیاز و ئەردەوان ب سیمبوڵا هونەری لڤێ دەڤەرێ دھێنە نیاسین، بۆ ماوەیێ چەند سالان پەیکەرێن وان ل پرا دەلال بوون لێ پشتی نوژەنکرن و بەرفرەهکرنا پرا دەلال هەردوو پەیکەر ڤەنەگەراندنە جھێ وانا و زاخۆی یان گازندە ژ ڤێ چەندێ هەنە.

بێوار ئەحمەد ئێک ژ ئاکنجێن زاخۆیە دبێژت، وەک هەمی دزانن ئەیاز یوسف و ئەردەوان زاخۆی ب سیمبوڵا هونەرێ زاخۆ و هەڤدەم هونەرێ کوردی ژی بەرنیاسن، ل دەمێ نوژەنکرنا پرا دەلال پەیکەرێ ڤان هونەرمەندان ژلایێ باژێرڤانیا زاخوڤە هاتە ڕاکرن و تا نوکە ڤەنەگەراندینە جھێ وان.

بێوار خویاژیکر، داخاز ژ هەمی جھێن پەیوەندیدار دکەین ب زیترین دەم هەردوو پەیکەر بھێنە جھێ وانا ژبەرکۆ زاخۆ ب ڤان هونەرمەندان ناسیارە .

هەڤدەم دلخاز موسا رێڤەبرێ ڕەوشەنبیری و هونەری یا زاخۆ دبێژیت،  یا خویایە ئەیاز و ئەردەوان ب سترا و هونەرێ زاخۆ ناڤداربووینە، ژبەر نوژەنکرنا پرا دەلال ئەو پەیکەرە مە ل گورەپانا ڕێڤەریا مە داناینە و تا نوکەژی ئامادەنە.

ڕێڤەبەرێ ڕەوشەنبیری گوت ژی،  مە دگەل لقێ زاخۆ یێ سەندیکا هونەرمەندێن کوردستانێ دان و ستاندن کریە و ل دەمەک نێزیک پەیکەرێ هەردووه هونەرمەندێن مەزن دێ جارەکادی ڤەگەرینن پرا دەلال و دێ ب دیزاینەکێ جوان هێنە دانان .

زێدەتری دوو سالایە پەیکەرێ هەر دوو هونەرمەندان ئەیاز یوسف و ئەردەوان زاخۆی ب مەرەما نوژەنکرنا پرا دەلال هاتینە هنارتن بو ڕێڤەبەریا ڕەوشەنبیری و هونەری یا زاخۆ و تا نوکە ئەو پەیکەر ل جھێ وان نە ھاتینە دانان .

مێھڤان مەجید : زاخۆ