سۆرانی  |  بادینی  |  English      

بهایێ نەفتێ د بازارێن جیهانێ دا ٧٠ دۆلار دەربازکرن

  2021-03-08  | 
 تۆڕا نووچەیا ژیان
بهایێ بەرمیلەکا نەفتا برێنت د بازارێن جیهانێ دا بلندبوونەکا بەرچاڤ تۆمارکر و سپێدەهیا ئەڤرۆ ژی ٧٠ دۆلار دەربازکرن، هەڤدەم نەفتا ئەمریکی ژی ٦٧ دۆلار دەربازکرن .

سپێدەهیا ئەڤرۆ بهایێ بەرمیلەکا نەفتا برێنت گەهشتە ٧٠ دۆلار و ٦٣ سەنتان و ئەڤە ژی بلندترین بهایە د ١٤ مەهێن دەربازبوویی دا، هەڤدەم بەرمیلەکا نەفتا ئەمریکی ژی گەهشتیە ٦٧ دۆلار و ٣٨ سەنتان.

گوهوڕینا سەقای ل چەند ویلایەتێن بەرهەمئینەرێن نەفتێ ل ئەمریکا ئاستێ بەرهەمئانینا نەفتێ ل وی ولاتی کێمکریە.

بلندبوونا بهایێ نەفتێ بۆ وی ئاستی، یەکەمجارە پشتی وێیەکێ ل سالا دەربازبووی ب سەدەما بەلاڤبوونا ڤایرۆسێ کۆرۆنایێ و ژ کارکەفتنا کارگەهێن مەزنێن جیهانێ و ڕاگرتنا لڤینێن ئامیر و ترۆمبێلان، بهایێ نەفتێ بۆ نزمترین ئاست د دیرۆکێ دا داکەت  .