مەحمود سەنگاوی ئەندامی مەكتەبی سیاسی یەكێتی رایگەیاند ئەم حكومەتە فاسدە و پێویستە بۆ ئەوەیە بینێریت بۆ جەهەننەم.
مەحمود سەنگاوی لە مەراسیمی ساڵیادی مامەڕیشە ئەمڕۆ دووشەممە رایگەیاند: ئەو تاوانكارانەی لە كاتی خۆیدا بە پیلانی هەواڵگری بەعس بەدوای مامەڕیشەدا دەكەوتن ئێستا لە پاڵ مامەڕیشەدا موچەی شەهیدانە وەردەگرن.
ئەو وتیشی: هەرچەندە ئەو تاوانكارانە بە سزای گەل گەیەندراون، راستە ئەو كەسانە ئەمرۆ لایەنێكی سیاسی پشتیوانیان لێدەكات، بەڵام مێژوو خیانەتكاران ناینوسنەوە.
سەنگاوی راشیگەیاند: تەحسین شاوەیس جگە لە ئەنفال250 كادر و پێشمەرگەی یەكێتی و حزبی شیوعی عێراقی شەهید كردووە، فۆرمی شەهیدانەكەی 239یە و لەسەرەتادا موچەكەی 830 هەزار دینار بووە و دواتر بووەتە 880 هەزار دینار لە لیستی 2008دا خانوشی وەرگرتووە، بەڵام تێكۆشەرەكانی ئێمە خانویان وەرنەگرتووە.
ئەندامەكەی مەكتەبی سیاسی یەكێتی لە بەشێكی دیكەی قسەكانیدا وتی: ئەم حكومەتەی ئێمە حكومەتێكی فاسیدە و بۆ ئەوەیە بینێریت بۆ جەهەننەم.
پشتیوانی داواكاری خەڵكی هەرێمی كوردستانی كرد وتی: هەقی خۆیانە بێن داوا بكەن ناكرێت ماڵ و منداڵی من وەكو پاشا بژین ئەوان لە برسا هیلاكبن، هەقی خۆیانە داوا بكەن.