تەندروستی عێراق: تووشبوون بە کۆرۆنا ژمارەی پێوانەیی تۆمارکرد
وەزارەتی تەندروستی ژینگەی عێراق ڕایگەیاند، لە ٢٤ کاتژمێری ڕابردوودا ٨٣٣١ کەس تووشی کۆرۆنا بوون، ئەوەش بەرزترین ژمارەی تووشبوونە بە کۆرۆنا لەوەتەی پەتاکە لە عێراق بڵاوبووەتەوە.
وەزارەتی تەندروستی و ژینگەی عێراق بڵاویکردەوە، لە دوێنێوە تا ئەمڕۆ ٣٧ کەس بە ڤایرۆسەکە گیانیان لەدەستداوە و ٥٠٢٠ کەسیشی چاکبوونەتەوە و پەتاکەیان پەڕاندووە.
بە گوێرەی داتا و زانیاریەکانی وەزارەتی تەندروستی و ژینگەی عێراق لە ئێستاد ڕێژەی چاکبوونەوە زۆر دابەزیووە و هاتووەتە خوارەوە بۆ ٨٨.٧%ی کۆی تووشبوان، لە کاتێکدا دوو مانگ لەمەوبەر ڕێژەکە ٩٦%ی کۆی تووشبوان بووە.
لەوەتەی کۆرۆنا لە عێراقدا بڵاوبووەتەوە، ٨٩٥ هەزار و ٦٢٢ کەس تووشی کۆرۆنا بوون، لەو ژمارەیەش ٧٩٤ هەزار و ٤٤٤ کەسیش چاکبوونەتەوە.
تا ئێستا بەهۆی تووشبوون بە کۆرۆناوە ١٤٥٧٢ کەس گیانیان لەدەستداوە.
|