ئەنجومەنی پارێزگای سلێمانی بڕیاریدا بە یاسایی بیر لێبدرێت

ئەمڕۆ ئەنجومەنی پارێزگای سلێمانی لە کۆبوونەوەی خۆیدا چەند پرسێکی تاوتوێکرد، لەوانە بڕیاردرا لەسەر هەڵکەندی بیری بەشێوەیەکی یاسایی بۆ کشتوکاڵ و پاراستنی سامانی ئاژەڵ و پەلەوەر.

لە ڕاگەیەندراوێکدا ئەنجومەنی پارێزگای سلێمانی ئاماژەی بەوەکردووە، لە کۆبوونەوەکەدا دواى گفتوگۆ، بڕیار لەسەر هەڵکەندنى بیر بەشێوەى یاساى درا بەپێى رێنمایى ژمارە 1ى ساڵى 2015ەى وەزارەتى کشتوکاڵ و سەرچاوەکانى ئاو بە ئامێرى هەڵکەندنى رۆتەرى یان هەمەر بۆ بەرژەوەندى گشتى و کشتوکاڵ و پاراستنى سامانى ئاژەڵ و پەلەوەر.

 هەر لە کۆبوونەوەکەدا بڕیاردرا لەسە کۆڕێنی ناوی 4 گوندی ناحیەی سەنگاو  لە قەزای چەمچەماڵ.