به وێنه؛ كاركردن له دروستكردنى یاریگاى نێوده‌وڵه‌تى نه‌ورۆز به‌رده‌وامه
پاش ئه‌وه‌ى له مانگى ١٠ـى ساڵى رابردوو له لایه‌ن سه‌رۆكى یانه‌ى نه‌ورۆزەوە، به‌ردى بناغه‌ى یاریگه‌ى نه‌ورۆزى نێوده‌وڵه‌تى دانرا، له‌ئێستادا دروستكردنى یاریگاکە نزیك ده‌بێته‌وه له‌وه‌ى نیوه‌ى كاره‌كانى كۆتایى بێت .
یاریگاكه ١٤ هه‌زار و ٥٠٠ كه‌س له خۆده‌گرێت، هه‌روه‌ها كۆمه‌ڵگه‌یه‌كى وه‌رزشى كه پێكهاتووه له هۆتێل، ریسۆرانت و كافێ و پاركى ئۆتۆمبیل و یاریگاى باسكه و باله و یارییه رێكتییه‌كان و شوێنى مانه‌وه‌ى میوانان و تیپه‌كان و یاریزانان و هۆڵه‌كانى ئاسن و یاریگه‌ى دووه‌م .
به‌وته‌ى سه‌رپه‌رشتیارى پرۆژه‌كه، ئه‌گه‌ر كاره‌كان به‌و شێوه‌یەی ئێستا بەرەوپێش بروات، له‌و واده‌یه‌ى بۆى دانراوه كه ساڵێك و هه‌شت مانگه، به چوار مانگ زووتر كۆتایى دێت و یاریگاكه به ره‌سمى دەکرێتەوە.
|