سعودیە فەریزەی حەجی ئەمساڵی یەکلایکردەوە
حکومەتی سعودیە ڕایگەیاند، لە ئامادەکاریدا بۆ ئەوەی ئەمساڵ ڕێگە بە ئەنجامدانی فەریزەی حەج بدەن، بە لەبەرچاوگرتنی ڕێنماییە تەندروستی خۆپارێزییەکانی تایبەت بە خۆپارێزگای لە ڤایرۆسی کۆرۆنا.
وەزارەتی حەج و عومەرەی سعودیە لە بەیاننامەیەکدا بڵاویکردەوە، ریاز سەلامەتی تەندروستی مرۆڤ بە هەند وەردەگرێت و ئەمساڵ سورن لەسەر ڕێکخستنی فەریزەی حەج، بەشێوەیەک کە سەلامەتی گیانی حەجیان پارێزراو بێت، بەگوێرەی ئەو ڕێوشوێنانەی کە لایەنە تەندروستی و ئەمنییەکان دەیسەپێنن، بۆ ئەوەی حاجیانی ماڵی خوا بتوانن فەریزەی حەج ئەنجام بدەن.
وەزارەتی حەج و عومەر سعودیە جەختیکردەوە، لایەنە تەندروستییەکان سەرقاڵی هەڵسەنگاندنی دۆخەکەن، بۆ ئەوەی هەموو ڕێوشوێنێکی پێویست بگرنە بەر، لەپێناو پاراستنی تەندروستی مرۆڤ.
بەڵێنیشی دا لە دواتر وردەکاری ڕێنمایی و رێکارە تەندروستییەکان ئاشکرا بکەن، بۆ جێبەجێکردنی ئەو پلانەی کە دایدەنێن بۆ سەرخستنی فەریزەی حەجی ئەمساڵ.
|