بەگوێرەی ئەو ئامارانەی گەیشتووە بە رێكخراوی تەندروستی جیهانی لە دوێنێدا عێراق لە ژمارەی زۆری قوربانیانی كۆرۆنادا چووەتە پێشەوە و 10 هەمین وڵاتی گرتووە لەنێو ئەو وڵاتانەی زۆرترینیان بە كۆرۆنا تیادا گیان لەدەستدەدەن.
بەگوێرەی ئامارەكان بەرازیل یەكەم وڵاتە كە زۆرترین خەڵكی لێ مردووە و دوای ئەویش ئەمریكا و دواتر مەكسیك و هیندستان و بەریتانیا دێن.
لە ریزبەندیەكەدا وڵاتانی ئەمریكای لاتین زۆرترین قوربانی كۆرۆنایان هەیە و ژمارەیەكی زۆر لە خەڵكی ئەو وڵاتانە گیان لەدەست دەدەن هەرچەندە هیندستان لە ژمارەی تووشبوواندا سێهەم وڵاتە بەڵام لە ژمارەی گیان لەدەستداندا لە دوای مەكسیكەوە و بووەتە چوارەم وڵات.
بەگوێرەی ئامارەكان دوێنێدا 194 هەزار و 190 كەس لە سەر ئاستی جیهان توشی كۆرۆنا بوون و هاوكات هەر لەو رۆژەدا چوار هەزار و 893 كەس گیانیان لەدەستداوە.
ئامارەکان تەنها تووشبووانی رۆژانەیە
1. لە بەرازیل 46 هەزار و 907 تووشبووی نوێی هەبووە و یەك هەزار و 55 كەس گیانیان لەدەستداوە
2. ئەمریكا 47 هەزار و 341 تووشبووی نوێی هەبووە و663كەسیش گیانیان لەدەستداوە
3. مەكسیك شەش هەزار و 104 تووشبوزی نوێی هەبووە 736 كەس گیانیان لەدەستداوە
4. هیندستان 18 هەزار و 276 تووشبووی نوێی تۆمار كردووە و 381 كەسیش گیانیان لەدەستداوە
5. بەریتانیا یەك هەزار و 380تووشبووی نوێی هەبووە و 184 كەسیش گیانیان لەدەستداوە
6. پیرۆ سێ هەزار و 762 تووشبووی نوێی هەبووە و 178 كەس گیانیان لەدەستداوە
7. رووسیا شەش هەزار و 800 تووشبووی نوێی تۆمار كردووە و 176 كەسیش گیانیان لەدەستداوە
8. چیللی چوار هەزار و 296 تووشبووی نوێی هەبووە 165 كەسیش گیانیان لەدەستداوە
9. كۆڵۆمبیا سێ هەزار و 843 تووشبووی نوێی هەبووە و 157 كەس گیانیان لەدەستداوە
10. عێراق دوو هەزار و 54 تووشبووی نوێی هەبووە و 122 كەسیش گیانیان لەدەستداوە