چوار بەکارهێنەر و بازرگانێکی ماددەی هۆشبەر دەستگیرکران
بەڕێوەبەرایەتی ئاسایشی ڕۆژئاوای سلێمانی ڕایگەیاند، لە ماوەی دوو مانگدا، چوار بەکارهێنەر و بازرگانیکی مادە هۆشبەرەکانیان دەستگیر کردووە.
بەڕێوەبەرایەتی ڕۆژئاوای سلێمانی لە ڕاگەیەندراوێکدا بڵاویکردەوە، یەکێک لەتۆمەتبارەکان بازرگانی مادەی هۆشبەرە و دانیشتوی قەزای چەمچەماڵ ناحیەی شۆڕشە، چوار کەسەکەی دیکەش بەکارهێنەرن و سیانیان دانیشتوی قەزای چەمچەماڵن و ئەوی دیکەش دانیشتوی ناحیەی قادرکەرەمە.
ئاماژەی بەوەشکردووە، ئەو مادە هۆشبەرانەی دەستیان بەسەردا گیراوە، پێکهاتوون لە کریستاڵ و حەشیش و حەبی هۆشبەر.
لە کۆتایی ڕاگەیەندراوەکەدا ئاسایش ڕوونیکردوووەتەوە، تۆمەتبارەکان پەڕاوی لێکۆڵینەوەیان بۆکراوەتەوە بەفەرمانی دادوەری دادگەی لێکۆڵینەوەی چەمچەماڵ بەپێی ماددەکانی (۲٦ و ٣٠) لەیاسایی بەرەنگاربوونەوەی ماددە هۆشبەرو کارتێکارە عەقڵیەکان لەهەرێمی کوردستان ژمارە ( ١ ) ساڵی ٢٠٢٠ ڕاگیراون.
|