لە سلێمانی دەست بەسەر دوو كتێبى مێژوویی بەنرخدا دەگیرێت ھێزەكانی ئاسایش توانیان باندێكی دزینی شوێنەوار دەستگیربكەن
لە ڕاگەیەنراوێكی ئاسایشی سلێمانیدا ئاماژە کراوە بەوەی : "لە چوارچێوەی هەوڵەكانی بەڕێوەبەرایەتی ئاسایشی پارێزگای سلێمانی، بە مەبەستی ڕێگریكردن لە كڕین و فرۆشتن و مامەڵەكردن بە هەرجۆرە شوێنەوارێكی مێژوویی و بەنرخ، هێزەكانی ئاسایش توانیویانە باندێكی دزینی شوێنەوار دەستگیربكەن و دەستیش بگرن بەسەر دوو پەرتوكی كۆنی بەنرخدا ".
لە ڕاگەیاندراوەکەدا ئەوەش خراوەتەڕوو: دوای كۆكردنەوەی زانیاری و بەدواداچوون هێزەكانیان توانیان باندێكی پێنج كەسی دزینی شوێنەوار دەستگیربكەن بە تۆمەتی دزین و مامەڵەكردن بە دوو پەرتوكی كۆنەوە كە مێژووەكەیان دەگەڕێتەوە بۆ هەزاران ساڵ پێش ئێستاو نرخەكەیان هەزاران دۆلارە، پەرتوكەكان تایبەتن بە هەردوو ئاینی جولەكەو مەسیحی و لەسەر پێست و بە ئاوی ئاڵتون نوسراون .
له كۆتایى هەمان راگه‌یه‌ندراودا هاتووه: :تۆمەتباران لە خوارووی عیراقەوە پەرتوكەكانیان هێناوەتە ناو شاری سلێمانی و بەنیازبوون رەوانەی دەرەوەی هەرێمی بكەن ".
|