زیانە گیانییەکانی لافاوەکەى ئەڵمانیا ئاشکراکرا
دەستەى گشتى ڕاگەیاندنی سەر بە حکومەتى ئەڵمانیا ڕایگەیاند، ژمارەى ئەو کەسانەی بەهۆی لافاو و زریانەکەى دوێنێوە گیانیان لەدەستداوە گەیشتووەتە ٨١ کەس و سەدانی دیکەش برینداربوون.
هاوکات پۆلیسی ناوچەى کوبلتس ڕایگەیاندووە، زیاتر لە هەزار کەس دیار نین و بێ سەروشێونن لە ناوچەکانی نوینار و ئارفایلەر .
ئەوەش خراوەتەڕوو، تا ئێستادا دەیان ڕێگای سەرەکی نێوان شارەکان گیراون و چەندین باڵەخانە و ڕێگا و پرد بە هۆی لافاوەکەوە تێکچوون و هێزە حکومەییەکانیش سەرقاڵی گواستنەوەی خەڵکن لەو ناوچانەی کە مەترسی لەسەرە .
لە ڕۆژى دووشەممەى ڕابردووەوە باران و زریان ناوچەکانی باشور و ڕۆژئاوای ئەڵمانیای گرتووەتەوە و جگە لە زەرەر و زیانێکى زۆری مادی سەدان کەسیش گیانیان لەدەستداوە و تا ئێستاش زریانەکە بەردەوامە.
|