هاوپەیمانی فەتح نیگەرانی لە دانانی سیستمی دژە موسەكیبەكەی ئەمریكا لە بەغدا دەربڕی
هاوپەیمانی فەتح كە هادی عامری سەرۆكایەتی دەكات سەرسوڕمانی خۆی نیشاندا سەبارەت بە بێدەنگی حكومەت لە ڕاهێنانەكانی ئەمریكا لە ناوەڕاستی بەغدا و دانانی سیستمی دژە ئاسمانی .
لە بەیاننامەیەكدا هاوپەیمانێتییەكە ئەمڕۆ شەممە بڵاویكردەوە ڕایگەیاندووە "ئەو كارە یكە باڵیۆزخانەی ئەمریكا ئەنجامیداوە بایەتێكە جێگەی سەرسوڕمانە و پێشێلكردنی هەموو پەیڕەوێكی دیپلۆماتی و یاسا نێودەوڵەتییەكانە و وەبیرهێنانەوەی پێشێلكردنی سەروەریی نیشتیمانی عێراقن بە تایبەت چۆن دەكرێت باڵیۆزخانەكان بكرێنە بنكەی سەربازیی لە بەغدادا "
لە بەشێكی دیكەی بەیاننامەكەدا ئاماژە بەوە كراوە، چۆن دەبێت دەوڵەتی عێراق ڕێگە بدات بەو جۆرە پێشێلكاریانە و بێ ئەوەی هیچ جوڵەیەك بكات، بۆیە نەبوونی هەڵوێستی حكومەت زۆر جێگەی سەرسوڕمانە، بە تایبەت ئەوانەی بۆ هەیبەتی دەوڵەت دەگریان لە ئێستادا خۆیان بێدەنگ كردوە .
ئەو بەیاننامەیەی هاوپەیمانی فەتح لە كاتێكدایە، دوێنێ باڵیۆزخانەی ئەمریكا لەبەغدا، ئاشكرایكرد سیستمی بەرگری دژە ئاسمانی جۆری پاتیریتی داناوە بۆ بەرپەرچدانەوەی هەر هێرشێكی موشەكی و كاتیۆشا كە ناوبەناو دەكرێتە سەر باڵیۆزخانەكە و ناوچەی سەوزی بەغدا .
ئەمڕۆش بە شێوەیەكی كرداری سیستمەكە هێرشێكی كاتویۆشای پوچەڵكردنەوە كە كرایە سەر باڵیۆزخانەی ئەمریكا لە بەغدا .
|