کازمی: لێکتێگەیشتنی سیاسی و ئابوری و کلتوریمان لەگەڵ واشنتنۆن ئیمزا کردووە
مستەفا کازمی سەرۆک وەزیرانی عێراق، ئەمڕۆ واشنتۆن بەرەو بەغدا جێهشتوو، سەردانەکەی بۆ ئەمریکا بە سەرکەوتوو ناوبرد.
لە تویتێکدا لە تۆڕی کۆمەڵایەتی خۆی، سەرۆک وەزیرانی عێراق بڵاویکردەوە، لە دیدار و کۆبوونەوەکانیان لە واشنتۆن، لێکتێگەیشتنی سیاشی و ئابوری و کلتورییان ئیمزا کردووە .
کازمی ئاماژەی بەوەشکردووە، لە سەردانەکەی بۆ واشنتۆن ڕێککەوتنی لەگەڵ لێپرسراوانی ئەو وڵاتە کردووە، بۆ گواستنەوی پەیوەندیی ئەمنی نێوان هەردوو وڵات، بۆ پەیوەندیی ڕاهێنان و ڕێنمایی و کۆتایی هێنان بە بوونی هێزی شەڕکەر تا کۆتایی ئەمساڵ .
لە بەشێکی تری وتەکانیدا سەرۆک وەزیرانی عێراق خواستی خۆی نیشانداوە، بۆ هاریکاری کۆمەڵایەتی و سیاسی، بەشێوەیەک کە خزمەت بە گەلی عێراق بکات .
هاوکات هیوای خواستووە پەیوەندییە بەردەوامەکانی لەگەڵ جۆ بایدن سەرۆکی ئەمریکا، ببێتە هۆی زیار بەهێزکردنی بنەماکانی هاریکای و گفتوگۆ و لێکتێگەیشتنی زیاتر .
ئەوەش لە کاتێکدایە، لە ڕۆژی دووشەممەی ڕابردووەوە ، مستەفا کازمی سەرۆک وەزیرانی عێراق، بەسەردانێکی چەند ڕۆژە گەیشتە واشنتۆن و لەگەڵ جۆ بایدن سەرۆکی ئەمریکا و ژمارەیەک لە لێپرسراوە باڵاکانی ئەو وڵاتە کۆبۆوە .
بەر لە سەردانەکەشی سەرۆک وەزیرانی عێراق، بۆ زیاتر کەمکردنەوەی فشاری گروپە شیعە چەکدارەکان ڕایگەیاند، چیتر وڵاتەکەی پێویستی بە هێزی شەڕکەری ئەمریکا نییە بۆ دژایەتیکردنی داعش.
|