بە تۆمەتی هەڵخەڵەتاندنی هاوڵاتییان تۆمەتبارێک دەستگیرکرا

پۆلیسی پارێزگای هەولێر: تۆمەتبارێک دەستگیرکرا، کە لە ڕێگەی تۆڕە کۆمەڵایەتییەکانەوە خەڵکی هەڵخەڵەتاندبوو.

بەڕێوەبەرایەتیی پۆلیسی پارێزگای هەولێر تۆمەتبارێکیان دەستگیر کرد کە خەڵکی هەڵخەڵەتاندبوو و هەڕەشەی بڵاوکردنەوەی وێنەی لێکردبوون.

ئەمڕۆ هەینی 3ی شوباتی 2023 بەڕێوەبەرایەتیی پۆلیسی هەولێر رایگەیاند "بەشی پۆلیسی قەزای خەبات بنکەی پۆلیسی (سێبیران) تۆمەتبارێکیان بەناوی (م. م. ج) دەستگیرکردووە بەپێی مادەی (2) ی خراپ بەکارهێنانی ئامێرەکانی پەیوەندیکردن، تۆمەتبار لە رێگەی تۆڕە کۆمەڵایەتییەکانەوە خەڵکی هەڵخەڵەتاندووە و هەڕەشەی بڵاوکردنەوەی وێنەشی لێکردوون".

ئەوەشیان خستەڕوو "دوای دەستگیرکردنی بە بڕیاری دادوەریلێکۆڵینەوە بەپێی مادەی 2ی خراپ بەکارهێنانی ئامێرەکانی پەیوەندیکردن راگیراوە".