بەتۆمەتی بڕینه‌وه‌ی زیاتر لە 100 دره‌خت تۆمەتبارێك دەستگیركرا
بەڕێوەبەرایەتیی پۆلیسی سلێمانی رایگەیاند کە تۆمەتبارێکیان دەستگیرکردووە 100 داری لە سنووری قەزای سەیدسادق بڕیوەتەوە.
لە راگەیەندراوی پۆلیسی سلێمانیدا هاتووە، “دوای ئەوەی له‌لایه‌ن هێزه‌كانی پۆلیسه‌وه زانیاری لەسەر تۆمەتبارێك كۆكرایەوە كە زیاتر له 100 دره‌ختی له سنووری قه‌زای سه‌یدسادق بڕیوه‌ته‌وه، توانرا تۆمەتبار له‌لایه‌ن مەفرەزەكانی بنكەی پۆلیسی حەساری سەر بە بەشی پۆلیسی سەیدسادقه‌وه دەستگیربكرێت”.
ئاماژە بەوەکراوە، بەشێک لەو درەختانەی تۆمەتبارەکە بڕیویەتییەوە تەمەنیان لە 20 ساڵ زیاتر بووە.
لە راگەیەندراوەکەدا هاتووە، لە ئێستادا تۆمەتبار (ر، س، ع) لەدایكبووی 1995 بەپێی ماددەی 42 لەیاسای ژینگه دەستگیركراوە و لێكۆڵینەوە لەگەڵیدا بەردەوامە.
|