هەولێر و بەغدا لەسەر هەناردەکردنەوەی نەوت رێککەوتن
دوای راگرتنی هەناردەکردنی نەوتی هەرێم، چەند رۆژێکە هەوڵەکان چڕ کراونەتەوە بۆ ئەوەی هەناردەکردن دەست پێبکاتەوە، بریکاری وەزیری دارایی عێراق ئاشکرایدەکات، ھەرێمی کوردستان و بەغدا لەسەر ھەناردەکردنەوەی نەوت رێککەوتن.
مەسعود حەیدەر بریکاری وەزیری دارایی عێراق لەبارەی دەستپێکردنەوەی هەناردەکردنی نەوت رایگەیاند، رێککەوتن لە نێوان هەرێمی کوردستان و بەغدا کراوە بۆ هەناردەکردنەوەی نەوت لە رێی بەندەری جەیهانەوە.
بریکاری وەزیری دارایی عێراق دەشڵێت، ئەو نەوتەی لە بەندەری جەیهانەوە دەڕوات ١٦٪ کۆی نەوتی عێراقە، ئەوەش رێژەیەکی کەم نییە.
|