هەناردەکردنی نەوتی هەرێم دەستپێدەکاتەوە

دوای ئەوەی هەرێمی کوردستان رازیبوو بەوەی نەوتەکەی رادەستی حکومەتی عێراق بکات، شارەزایەکی ئابوری ئاشکرای دەکات، "لەدوو ڕۆژی داھاتوودا ھەناردەکردنی نەوتی ھەرێم دەستپێدەکاتەوە".

نەبیل مەرسومی, شارەزایی بواری ئابوری و مامۆستای زانکۆی بەسرە لەسەر دەستپێکردن بە هەناردەکردنەوەی نەوتی هەرێم رایدەگەیەنێت: بەگوێرەی سەرچاوە تایبەتەکان, بەغدادو هەرێم ڕێککەوتون لەبارەی فرۆشتنی نەوت دوای بڕیارەکەی دادگای نێودەوڵەتی لەسەر ئەم خاڵانەی خوارەوە:

یەکەم: پێویستە نەوتی هەرێمی کوردستان لەڕێی سۆمۆوە بفرۆشرێت.

دووەم: پێکهێنانی لیژنەیەکی هاوبەش لەنێوان هەردوولا بۆ چاودێریکردنی پرۆسەی هەناردەکردنی نەوت لەکوردستانەوە.

سێیەم: داهاتەکانی نەوتی هەرێم لەئەژمارێکی بانکیی دابنرێت وەک ئەوەی لە پرۆژە یاسای بودجەی (٢٠٢٣)دا هاتووە. 

چوارەم: پێویستە حکومەتی هەرێمی کوردستان وردەوردە گرێبەستەکانی لەگەڵ کۆمپانیا بیانیەکان هەڵبوەشێنێتەوە.

پێنچەم:جێگری بەڕێوەبەری سۆمۆ دەدرێت بە کورد.

شەشەم: لەماوەی دوو ڕۆژی داهاتوودا هەناردەی نەوتی هەرێم دەستپێدەکاتەوە.