پارێزگاری دهۆك وادەی تەملیككردنی خانوە زیادەڕوەكانی دیاریكرد
عەلی تەتەر پارێزگاری دهۆك
فۆتۆ: مازن شنگالی
پارێزگاری دهۆك دوا وادەی تەملیككردنی ئەو خانوە زیادەڕەوانەی سنوری پارێزگاكەی دیاریكرد و داوا لە هاوڵاتیان دەكەن دەست بكەن بە مامەڵەكردن.
پارێزگاری دهۆك دوا وادەی تەملیككردنی ئەو خانوە زیادەڕەوانەی سنوری پارێزگاكەی دیاریكرد و داوا لە هاوڵاتیان دەكەن دەست بكەن بە مامەڵەكردن.
عەلی تەتەر پارێزگاری دهۆك، رایگەیاند ئەمڕۆ كۆبونەوەیەكمان ئەنجامدا بۆ تەملیككردنی ئەو خانوانەی بە زیادەڕوی لە سنوری شارەوانیەكاندا دروست كراون و لیژنەیەكی باڵای بۆ پێكهێنراوە كە خۆم سەرپەرشتی دەكەم و لیژنەی فەرعیش دروستكراوە كە قایمقامەكان سەرپەرشتی دەكەن.
ئەو وتیشی، ئەو كەسانەی خانویان بە زیادەڕەوی دروست كردووە هەتا رۆژی 10/10/2020 داخوازی خۆیان پێشكەش بكەن بۆ ئەوەی تەملیك بكرێت. ئەوەشی راگەیاند بڕیارەکە ئەو خانوانە دەگرێتەوە کە پێش 13/3/2018دروستکراون.
پارێزگاری دهۆك لە كۆنگرەیەكی رۆژنامەوانیدا وتیشی: بڕیاری تەملیك كردنی ئەو خانوانە ئەوانە ناگرێتەوە كە لەسەر زەوی تەرخانكراو بۆ قوتابخانە و شەقامەكان دروستكراون.
|