٤٨ تووشبووى کۆرۆنا لە گرتن و گواستنەوەی گەرمیان تۆمارکران
بەڕێوەبەرایەتى گشتى تەندروستى گەرمیان رایگەیاند، ٤٨ کەس لە راگیراوان وکارمەندانى گرتن و گواستنەوەی گەرمیان تووشی کۆرۆنا بوون.
تەندروستى گەرمیان لە راگەیەندراوێکدا بڵاویکردەوە، دواى ئاگادارکردنەوەیان لەلایەن گرتن و گواستنەوەی گەرمیانەوە بە گومانی ھەبونی حاڵەتی کۆرۆنا لەناو راگیراوان، تیمەکانی تەندروستی گەرمیان دوو جار سەردانی ئەو دەزگایەیان کرد و نمونەیان بۆ پشکنین لێوەرگیرا .
لە راگەیەندراوەکەدا هاتووە، دواى دەرچونی ئەنجامى پشکنینەکان دەرکەوت ٤٨ لە راگیراوان و کارمەندانى گرتن و گواستنەوەی گەرمیان تووشی کۆرۆنا بون و لە ئێستاشدا ئەو تووشبووانە جیاکراونەتەوە و لەلایەن تیمەکانی تەندروستی گەرمیانەوە چاودێریی دۆخی تەندروستیان دەکرێت.
|