بانكی ناوەندی بڕی خستنەڕووی دۆلاری بۆ ئەمڕۆ راگەیاند
بانکی ناوەندی عێراق بڕی زیاتر لە ١٩٨ ملیۆن دۆلاری بەشێوەی حەواڵە و کاش خستەبازاڕەوە.
ئەمڕۆ بانکی ناوەندی لە راگەیەنراوێکدا رایگەیاند، بڕی ١٩٨ ملیۆن و ٤١٣ هەزار و ٧٨ دۆلاری خستۆتە بازاڕەوە، لەوەش ١٧٩ ملیۆن و ٨٥٣ هەزار و ٧٨ دۆلار بەشێوەی حەواڵە و ١٨ ملیۆن و ٥٦٠ هەزار دۆلاری بەشێوەی کاشە.
ئەوەش لەکاتێکدایە ئەمڕۆ نرخی دۆلار بەراورد بە دوێنێ بەیانی کەمێک دابەزینی بەخۆوە بینی و نرخی ١٠٠ دۆلار بە ١٥٣ هەزار و ٤٥٠ دینار مامەڵەی پێوەکرا.
|