عێراق پێداویستی هه‌رێم له سووته‌مه‌نی هاوشێوه‌ی پارێزگاكانی تر دابین ده‌كات
د.نه‌رمین مه‌عروف ئه‌ندامی كوردی لیژنه‌ی دارایی په‌رله‌مانی عێراق له راگه‌یه‌ندراوێكدا ئاماژه‌ی به‌وه‌دا كه "له به‌رده‌وامی به‌دواداچوونه‌كانی لیژنه‌ی دارایی په‌رله‌مانی عێراق بۆ پرسی بودجه و پشكی هه‌رێم و چاره‌سه‌ركردنی كێشه‌ی مووچه‌ی فه‌رمانبه‌ران، ئه‌مڕۆ پێنجشه‌ممه 14ی ئه‌یلولی 2023 لیژنه‌ی دارایی له‌گه‌ڵ به‌ڕێوه‌به‌ری كۆمپانیای سۆمۆ و شاندێكی وه‌زاره‌تی نه‌وتی عێراق كۆبوونه‌وه‌ی سازكرد".
ده‌ڵشڵێت: "له كۆبوونه‌وه‌كه‌دا گفتوگۆ له‌سه‌ر چه‌ند پرسێكی گرنگ تایبه‌ت به هه‌نارده‌كردنی نه‌وتی هه‌رێم و پابه‌ندییه‌كانی هه‌رێم له بودجه‌ی گشتی كراوە و شاندی وه‌زاره‌تی نه‌وتیش ئاماژه‌یاندا به‌وەداوە، کە له‌گه‌ڵ هه‌رێم رێكه‌وتوون له‌سه‌ر دابینكردنی پێداویستی هه‌رێم له سووته‌مه‌نی و به‌رهه‌مه نه‌وتییه‌كان به نرخی پاڵپشتیكراو هاوشێوه‌ی پارێزگاكانی تری عێراق".
|