باڵیۆزی ئەمریکا لە عێراق ئیدانەی ھێرشەکەی سەر فڕۆکەخانەی کشتوکاڵی عەربەت دەکات
باڵیۆزی ئەمریکا لە عێراق رایگه‌یاند، ئیدانەی هێرشەکەی سەر فڕۆکەخانەی عەربەت لە پارێزگای سلێمانی دەکەن، ده‌شڵێت، "پشتگیری خۆمان بۆ رێزگرتن لە سەروەری و یەکپارچەیی خاکی عێراق دوپات دەکەینەوە".
ئالینا رۆمانۆسکی, باڵیۆزی ئەمریکا لە عێراق بڵاویكرده‌وه، "ئیدانەی هێرشی سەر فڕۆکەخانەی عەربەت لە پارێزگای سلێمانی دەکەین، ئێمە پشتیوانی خۆمان بۆ ڕێزگرتن لە سەروەری عێراق و یەکپارچەیی خاکی عێراق دوپاتدەکەینەوە و هەردوکیان بۆ سەقامگیری و ئاسایشی عێراق پێویستن".
ئاماژه‌ی به‌وه‌شكرد، "پرسە و سەرەخۆشیی خۆمان ئاراستەی ئەو کەسانە دەکەین کە ئازیزانیان لەدەستداوە".
|