دادگای فیدراڵی لەسەر سکاڵایەکی تایبەت بەناردنی قەرز بۆ ھەرێم کۆدەبێتەوە
بڕیارە رۆژی یەکشەممە دادگای فیدراڵی لەسەر سکاڵایەکی تایبەت بەناردنی قەرز بۆ ھەرێم کۆببێتەوە.
بەگوێرەی خشتەی کۆبوونەوەکانی دادگای باڵای فیدراڵیی عێراق، رۆژی یەکشەممەی داھاتوو رێکەوتی ١٢ی تشرینی دووەم، دادگای فیدراڵی لەسەر سکاڵایەک کە دژی محەمەد شیاع سودانی سەرۆک وەزیرانی عێراق تۆمارکراوە کۆدەبێتەوە، تایبەت بەو ٢ ترلیۆن و ١٠٠ ملیار دینارەی کە بڕیاریداوە بە قەرز بدرێتە حکومەتی ھەرێم بۆ دابینکردنی مووچەی سێ مانگی فەرمانبەرانی ھەرێم.
سکاڵاکە، لەلایەن مستەفا سەنەد ئەندامی ئەنجومەنی نوێنەرانەوە تۆمارکراوە و تیادا داوایکردووە، دادگای فیدراڵی بڕیاری ناردنی قەرز بۆ حکومەتی ھەرێم بە نادەستووری لەقەڵەم بدات.
|