نیاز عەبدوڵا خەڵاتی نێودەوڵەتی ئازادی ڕۆژنامەوانی پێ بەخشرا
لەلایەن کۆمیتەی پاراستنی رۆژنامەنووسان ( CPJ) خەڵاتی نێودەوڵەتی ئازادی رۆژنامەوانی بەخشرا بە نیاز عەبدوڵا
ژیان
نیاز عەبدوڵا لە بارەی بەخشینی خەڵاتەکەی ووتی : بە خۆشحاڵییەوە پێتان رادەگەیەنم، رۆژی ١٦ی نۆڤەمبەر لە شاری نیویۆرک لەلایەن کۆمیتەی پاراستنی رۆژنامەنووسان CPJ، خەڵاتی نێودەوڵەتی ئازادی رۆژنامەوانیم پێبەخشرا.
ئاماژەی بەوەشدا ، خەڵاتەکەم پێشکەشکرد بە چوار سیمبولی ئازادیخوازی کوردستان، کە بریتین لە: زیندانیانی بادینان، ژینا ئەمینی، سەڵاحەددین دەمیرتاش و مەزڵوم عەبدی.
ئەوەشی خستەڕوو، سەختی و ئاڵنگارییەکانی بەردەم کاری رۆژنامەوانی هەرچەند زۆریش بن، دەکرێت وەربگێردڕێن بۆ ئازایەتی و بەردەوامی کاری زیاتر، بۆیە هەموو کۆڵنەدان و تێکۆشانێکی بەردەوام لەپێناو پاراستنی ئازادی رۆژنامەوانی و بنەماکانی دیموکراسی، بەرهەمدار دەبێت و دەکرێت ببێتە هۆی دروستکردنی گۆڕانکاری.
ڕاشیگەیاند، سوپاسی زۆرم هەیە بۆ هەموو ئەو رۆژنامەنووسانەی تاوەکو ئێستا، سەرەڕای سەرجەم فشار و مەترسییەکانی سەریان، بەردەوامن لە وتنی راستییەکان و بە پرەنسیپەوە کاردەکەن.
|