پارەی مانگانە بۆ زیاتر لە دوو ملیۆن خوێندکار دەبڕدرێتەوە
وەزارەتی پەروەردەی عێراق رایگەیاند، زیاتر لە دو ملیۆن خوێندکار بۆ ئەمساڵی خوێندن بەشێوەی مانگانە پارەیان بۆ دابین دەکرێت.
ژیان:
کەریم سەید وتەبێژی فەرمی وەزارەتی پەروەردەی عێراق رایگەیاند، ناوی زیاتر لە دو ملیۆن قوتابی و خوێندکار تۆمارکراوە بۆ ئەوەی لە ساڵی خوێندنی ٢٠٢٣ – ٢٠٢٤ بە شێوەی مانگانە بڕێک پارە وەربگرن.
ڕوونیکردەوە، ناوی خوێندکارەکان بە هەماهەنگی نێوان وەزارەتی پەروەردە، فەرمانگەی تۆماری شایستەکان و وەزارەتی کاروباری کۆمەڵایەتی ناوی ئەو خوێندکارانە تۆمارکراوە.
ئەوەشی خستەڕوو، پێداچونەوە و وردبینی بۆ ناوی خوێندکارەکان کراوە و رەوانەی لایەنی پەیوەندیدار کراوە، بۆ ئەوەی دەست بە دابەشکردنی ئەو بڕە پارەیەی خوێندکاران و قوتابییان بکرێت، پارەکەش لە رێگەی هەژماری بانکییەوە حەواڵەی بەخێوکەری قوتابییەکە یان خوێندکارەکە دەکرێت.
|