پسووڵەی خۆراک دەبێتە ئەلیکترۆنی و هەرکەس نەیکات بەشە خۆراکی دەبڕێت
بەڕێوەبەری پسوڵەی خۆراکی هەولێر ڕایگەیاند، بڕیارە ساڵی نوێ پرۆسەی بەئەلیکترۆنی کردنی پسوڵەی خۆراک لە هەولێر دەست پێبکات و، ئەگەر هاووڵاتیان لەماوەی دیاریکردودا پسوڵەکەیان بە ئەلیکترۆنی نەکەن بەشەخۆراکەکانیان دەبڕدرێت.
ژیان:
سیامەند قادر نانەکەلی بەڕێوەبەری پسوولەی خۆراکی هەولێر رایگەیاند، بڕیار بوو مانگی ئاب لە هەولێر پسووڵەی خۆراک بکرێتە ئەلیکترۆنی، بەڵام بەهۆی کێشەیەکی ئەلیکترۆنییەوە کارەکان ڕاگیران و نەتوانرا لە کاتی دیاریکراودا جێببەجێ بکرێت.
دەشڵێت، حکومەتی عێراق ئاگاداری کردووینەتەوە، کە بڕیارە ساڵی نوێ پرۆسەی بەئەلیکترۆنیکردنی پسوولەی خۆراک دەستپێبکات.
سیامەند قادر نانەکەلی راشیگەیاند، پێویستە لەماوەی دیاریکراودا هاووڵاتیان سەردان بکەن و پسوڵەکەیان بە ئەلیکترۆنی بکەن ئەگەرنا بەشەخۆراکەکانیان دەبڕدرێت.
ئاماژەی بەوەشکردووە، تا ئێستا کارەکانی گۆڕینی پسوڵەتی خۆراک لە پێنج پارێزگای عێراق تەواو بوون ئەو پارێزگایانەش بریتین لە بەغدا، نەجەف، میسان، کەربەلا و دهۆک.
|