سەرۆك وەزیرانی عێراق سەردانی سعودیە و ئێران دەكات
سەرۆك وەزیرانی عێراق رۆژی دووشەممەی داهاتوو سەردانی سعودیە دەكات و لە گەڕانەوەدا سەردانی ئێرانیش دەكات.
میدیاكانی عێراق رایانگەیاند، بڕیارە مستەفا كازمی رۆژی دوو شەممەی داهاتوو سەردانی سعودیە بكات و گفتوگۆ لەبارەی دۆسیەی ئابوری و هێنانی كۆمپانیا سعودیەكان بكات بۆ وەبەرهێنان لە عێراقدا.
دوای ئەو سەردانەشی بۆ سعودیە وا بڕیارە سەردانی ئێران بكات و پرسی مامەڵەی كارەبای ئێران و چەند تەوەرێكی ئابوری و ئەمنی گفتوگۆ بكات لەگەڵ بەرپرسانی ئێران.
ئەو دوو سەردانەی سەرۆك وەزیرانی عێراق بە سەرەتای سەردانەكانی دادەنرێت وەك سەرۆك وەزیران بۆ وڵاتانی دیكەی ناوچەكە و جیهان.
|