دێرین ئەحمەد لە ڕێگەی فڕۆکەخانەی بەغداوە گەشتوەتە بەریتانیا

بەپێی دانپێدانانەکانی ئەو کەسەی هاوکاری دێرین ئەحمەدی کردوە، دێرین لە ڕێگەی فڕۆکەخانەی بەغداوە گەشتوەتە بەریتانیا.

کەسێک بە تۆمەتی هاوکاریکردنی دێرین ئەحمەد ناسراو بە کوێخا دێرین دەستگیرکراوە و دانی بەوەدا ناوە سەرەتا بە پیکاب دێرنی گەیاندوەتە شاری کەرکوک و دواتر لە ڕێگەی هێڵی گواستنەوەی شاهانە لە بەغدا و بە پاسپۆرتی دۆمۆنیکا گەشتوەتە بەریتانیا.

بە بڕیاری دادوەر و بە پێی مادەی ٢٧٣ کە تایبەتە بە سزادانی ئەو کەسانەی هاوکاری تاونبار دەکەن سزا بۆ ئەو کەسە دەرچوە کە هاوکاری دێرین ئەحمەدی کردووە و لە ئێستاشدا چەند کارمەندێکی فڕۆکەخانەی بەغدا دەستگیرکراون و لیکۆڵینەوەیان لەگەڵدا دەکرێت.

ئەمە لە کاتێکدایە دوو ڕۆژ پێش ئێستا بە بریاری دادوەر و بەهۆی سەرانە وەرگرتن لە خەڵک فرمانی دەستگیرکردن بۆ کوێخا دێرین دەرکراو دەستبەسەر سەرجەم ماڵ و موڵکەکەیدا گیرا.