هاتووچۆی دەربەندیخان: تونێلی دەربەندیخان بۆ ماوەیەکی کاتی دادەخرێت
بەمەبەستی نۆژەنکردنەوەی ئاوەڕۆی تونێلی دەربەندیخان، ئەمڕۆ بۆماوەی چەند کاتژمێرێک تونێلەکە بەڕووی هاتووچۆی ئۆتۆمبێل دادەخرێت.
بەگوێرەی راگەیەندراوێک کە بەڕێوەبەرێتی هاتووچۆی قەزای دەربەندیخان بڵاویکردووەتەوە، بەهۆی کارکردن لە تونێلی دەربەندیخان و چاککردنەوەی ئاوەڕۆکەی، رۆژی پێنجشەممە لەکاتژمێر ١٠ی بەیانی تاوەکو کاتژمێر ٢ی پاشنیوەڕۆ، تونێلەکە بەڕووی هاتووچۆی ئۆتۆمبێل دادەخرێت.
ئاماژە بەوەشکراوە، لەکاتی داخستنی تونێلەکە، ئۆتۆمبێلی بچوک لە تونێلی خوارەوە هاتووچۆ دەکات و بەسەر بەنداوەکەدا تێپەڕ دەبن و دەچنەوە ئەودیو تونێل، ئۆتۆمبێلی بارهەڵگریش ئەم چەند کاتژمێرە هەر لەزاڵگەی بانی خێڵان رادەگیرێن و رێگەی تێپەڕبوونیان پێنادرێت، لەڕووی ئەودیویش لە سێ ڕای چیای بەرانان بەهەمان شێوە رادەگیرێن تا کردنەوەی تونێلەکە.
|