وەزیری دەرەوەی ئێران سەردانی بەغدا دەكات
محەمەد جەواد زەریف وەزیری دەرەوەی ئێران
فۆتۆ:
سبەینێ محەمەد جەواد زەریف وەزیری دەرەوەی ئێران سەردانی عێراق دەكات .
وەزارەتی دەرەوەی عێراق لە بەیاننامەیەكدا بڵاویكردەوە، محەمەد جەواد زەریف سبەینێ سەردانێكی فەرمی دەكات بۆ عێراق .
وەزارەتی دەرەوەی عێراق ئاماژەی بەوەشكردووە، دوای سەردانەكەی بۆ بەغدا و كۆبوونەوەی لەگەڵ فوئاد حسین وەزیری دەرەوەی عێراق، كۆنگرەیەكی ڕۆژنامەنووسی ساز دەكەن .
لەوەتەی مستەفا كازمی پۆستی سەرۆك وەزیرانی عێراقی وەرگرتووە، ئەوە یەكەمجارە وەزیری دەرەوەی ئێران سەردانی بەغدا دەكات .
سەردانەكەی زەریف بۆ بەغدا هاوكاتە لەگەڵ سەردانە چاوەڕوانكراوەكەی كازمی بۆ ئێران .
|