بافڵ جەلال تاڵەبانی: بەڵێن دەدەین تۆڵەی ئەم خوێنە دەكەینەوە

بافڵ جەلال تاڵەبانی، سەرۆکی یەکێتیی نیشتمانیی کوردستان پەیامێکی لەبارەی شەھیدبوونی دوو کارمەندی ئاسایش لە ناوچەی قەرەداغ بڵاوکردەوە و دەڵێت، بەڵێنمان بە کوردستان و خەڵکە خۆشەویستەکەی داوە پارێزەری خاک و ژیانی ھاونیشتمانییانمان دەبین، رژانی خوێنی ئەم شەھیدانەش ھەر لەو چوارچێوەیە و لەپێناو کوردستاندا بوو.

دەقی پەیامەکە... 

شەھیدبوونی ھەردوو کارمەندی دەزگای ئاسایشی ھەرێم (شەماڵ مەحمود و ھونەر تاڵیب) لەکاتی بەجێگەیاندنی ئەرک و پاراستنی ژیانی ھاوڵاتییاندا لە سنووری قەرەداغ، لەدڵەوە نیگەرانیکردین.
‎بۆ ئەم خەمە گەورەیە پرسە و ھاوخەمیی قووڵی خۆمان ئاڕاستەی بنەماڵە سەربەرزەکەیان، ھەڤاڵان و دەزگای ئاسایش دەکەم و ھاوبەشی ماتەمیانم.

‎بەڵێنمان بە کوردستان و خەڵکە خۆشەویستەکەی داوە پارێزەری خاک و ژیانی ھاونیشتمانییانمان دەبین، رژانی خوێنی ئەم شەھیدانەش ھەر لەو چوارچێوەیە و لەپێناو کوردستاندا بوو. بەڵێن دەدەین تۆڵەی ئەم خوێنە دەکەینەوە و ھیچ مەودایەک بۆ ئەو دەستانە ناھێڵینەوە کە دەیانەوێت سەقاگیریی خاکەکەمان تێکبدەن و مەترسیی لەسەر ژیانی خەڵکەکەمان دروستبکەن.

‎دروود بۆ رۆحی شەھیدان و سەربەرزی بۆ کەسوکارە خۆڕاگرەکانیان.

‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان