لیژنەی ئارامیی سلێمانی چه‌ند بڕیارێكی سه‌باره‌ت به هه‌ڵمه‌تی بانگه‌شه‌ی هه‌ڵبژاردن ده‌ركرد
لیژنەی ئارامیی سلێمانی چه‌ند بڕیارێكی سه‌باره‌ت به هه‌ڵمه‌تی بانگه‌شه‌ی هه‌ڵبژاردن بۆ په‌رله‌مانی كوردستان ده‌ركرد، "هەموو دامەزراوە حکومییەکان بێلایەن بن لە هەڵمەتی هەڵبژاردنەکان، هیچ هەڵمەتێکی هەڵبژاردن و بانگەشەیەک لەناو دامودەزگاکانی حکومەتدا ناکرێن".
بەگوێرەی نووسراوێکی لیژنەی ئارامیی سلێمانی بڕیاردراوە، هەموو دامەزراوە حکومییەکان بێلایەن بن لە هەڵمەتی هەڵبژاردنەکان و هیچ دامەزراوە و کەلوپەل و توانستێکی مرۆیی، ماڵیی، دارایی و لۆجیستی بۆ هەڵمەتی هەڵبژاردنەکان و لە بەرژەوەندی هیچ بەربژێر، لیست، قەوارە و هاوپەیمانێتییەک بەکارنەهێنرێت.
ئاماژەبەوەشکراوە، ، هیچ هەڵمەتێکی هەڵبژاردن و بانگەشەیەک لەناو دامودەزگاکانی حکومەتدا ناکرێن و لە کاتی دەوامی فەرمییدا هیچ کارمەندێک مافی بانگەشەکردنی نییە.
باس لەوەشکراوە، هەڵمەتی بانگەشەی هەڵبژاردن و کۆبوونەوەی جەماوەرییی لەو شوێنانەدا ناکرێت کە هاتووچۆی گشتی و نەزمی گشتی رادەگرن، شوێنی تایبەت بە بانگەشە لەلایەن بەرێوەبەرایەتی هاتووچۆی سلێمانی و سەرۆکایەتیی شارەوانیی سلێمانی و ئۆفیسی کۆمسیۆنی هەڵبژاردنەکانی دیاریدەکرێن.
|