بەرپرسانی پارتی داوایان لە پزیشکیان کردوە سەردانی سلێمانی نەکات بەڵام رەتیکردوەتەوە
لەسەردانەکەی سەرۆککۆماری ئێران بۆ عێراق هەرێمی کوردستان، بەرپرسانی باڵای پارتی داوایان لێکردوە کە سەردانی شاری سلێمانی نەکات، بەڵام هەرزوو پزیشکیان داواکەی رەتکردوەتەوە و وتویەتی "لە پلانی سەردانەکەمدایەوە و دەڕۆم".
سەرچاوەیەکی ئاگادار لە کۆبونەوەکانی مەسعود پزیشکیان، سەرۆک کۆماری ئێران و بەرپرسانی باڵای پارتی لە ھەولێر ئەوەی ئاشکراکردوە کە داوا لە پزیشکیان کراوە سەردانەکەی بۆ سلێمانی ھەڵبوەشێنێتەوە.
بەرپسانی پارتی بە سەرۆکی ئێرانیان راگەیاندوە، کە ئاماددەکاریی پرۆتۆکۆڵیان نەکردوە و پێویست ناکات خۆت بڕۆی بۆ سلێمانی، وتویانە بە بەرپرسانی شارەکە بێنە هەولێر و لێرە بتبینن، پزیشکیانیش راستەوخۆ رەتی داواکارییەکەی پارتی داوەتەوە و سوربوە لەسەر ئەوەی سەردانەکەی ئەنجام بدات
سەرچاوەکە جەختی لەسەر ئەوە کردوەتەوە کە، ھەوڵەکان بۆ ڕازیکردنی پزیشکیان سەرکەوتوو نەبووە و سوربووە لەسەر سەردانیکردنی سلێمانی، بەو پێیەی پێشتر سەردانیکردنی سلێمانی لە بەرنامەی کاری گەشتەکەیدا بووە و خۆشی ئامانجی بوە سەردانی بکات
ئیتر ئەوە بوو بڕیارەکەی خۆی جێبەجێکرد و بەرپرسانی یەکێتی و ئیداری سلێمانی لە رووی پرۆتۆکۆڵ و ئەمنیەوە بەئاڵای کوردستانەوە لە فڕۆکەخانەی سلێمانی پێشوازیان لە سەۆکی ئێران کردوە و بەسەرکەوتووی میوانداریکردنی مەسعود پزیشکیان سەرۆک کۆماری ئێرانیان ئەنجامدا.
سەرچاوە: شار پرێس
|