داهاتی هەفتەی رابردووی سلێمانی زیاترە لە 12 ملیار دینارە

بەگوێرەی ماڵپەری شەفافیەت داهاتی یەك هەفتەی سلێمانی لە رۆژی 9-11-2024 تا 15-11-2024، بڕی 12 ملیار و 402 ملیۆن و 226 هەزار و 463 دینار بووە.

ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، بڕی 12 ملیار و 402 ملیۆن و 226 هەزار و 463 دینار بووە، بەجۆرێك كە 85%ـی داهاتەكە بەشێوەی نەختینەیە و 15%ـی داهاتەكە بەشێوەی چەكە.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.